0

حوار خرفان

كل سنة و انتم طيبين
خلصنا الصلاة و كله تمام
قابلنا الأصحاب و هات يا كلام
و فجأة
" مهما نقع نقدر نقوم .. نشق نتحدى الغيوم .. بس احنا نحلم " - دي رنة الموبايل الخاصة بالعائلة عندي
^ـ^
" انتي فين ؟ احنا مكان ما نزلناكي "
- من العربية عشان الصلاة -
^ـ^
و روحنا جيبنا أختي الصغيرة
و فووووووووووووو
صاروخ ع الجزار
^ـ^
"ماااااااااااااء "
" مااء مااااء "
" ماااااااء مااء "
و عيش حياتك
حوار لا ينقطع
و ده بينادي على ده
و ده بيرد على ده
عييييييييشة
^ـ^

لأو الألذ
لما واحد من شباب المحل جاب خروفنا لعتبة المحل
و واحد تاني وراه مستني هو كمان
و قالو هيستنو لحد ما الموجود يخلص عشان الزحمة و الضغط
و عيش حياتك بقوة بقى مع الاتنين دول
" مااء "
" ماااااء "
" ماااااااااااااااااء "
" ماااااااء "
و عد على كده سبعين مرة
بجد كان حوار ممتع و مفيد
و شيق جدا بالمناسبة
:D
كان منظرهم الاتنين فظيع
و الكل بيتفرج عليهم و يضحك
تحسهمم فعلا بيتكلمو في حاجة مهمة و مشغولين بيها جداااااااااااااااا
و لا كأنهم خلاص هيتدبحو بعد نص ساعة

بس على حظي
لما جيت أصورهم كانو تقريبا بيحطوا اللمسات الأخيرة للموضوع النقاشي الحامي ده
فمكنوش بيرغوا كتير
أو بيمأمأو بمعنى أصح
:D

بس بجد
كان يوم تحفة
و لحظات روعة
و عيد سعيد

و كل خروف و انتم طيبين
;)





تأكدت و بكل المقاييس انهرده
ان الخرفان من أذكى الكائنات على الأرض
بتستغل كل لحظة في حياتها للنقاشات و الحوارات البناءة
و عايزة أقولكم آد إيه استفدت جدا من حوار انهرده
كان فعلا قيم جدااااا
يتوزن دهب بصراحة
- أو بمعنى أصح .. يتوزن ضحك -
:D
لازم نعمل مدرسة مدريسنها من الخرفان
بجد ساعتها هنبقى شعب سوووووووبر عبقري
خرفانياً طبعاً
^ـ^
0

دوشة كلام ... مبروك

نبدأها حلو و للا نخليه للآخر
السنة يبقى الأول
و العادة في الآخر
خليه وسط يرضي الكل

يوم جامد كان انهرده
دوشة و لعب و ضحك و شغل
إحساس من أروع ما يكون
إنك تشوف نتيجة شغل إيديك
تشوفه أدام عينيك
مبروك عليا

بكرة أول أيام انقطاع الكهرباء
كهرباء كليتنا
المحاضرات و السكاشن و الذي منه
كل انقطاع و عيد و انتم طيبين
و مبروك علينا

مستنية بكرة ييجي بفارغ الصبر
بكرة أول أيام استعادة نشاطاتي
حركات الجنان اللي أنا بحبها
بكرة الانطلاقة الجديدة إن شاء الله
مبروك تاني عليا


هكذا .. تحطمت قيودي
لقد تحررت


بتمنى بكرة أستلم الكارنيه
كارنيه إيه ؟
و أقولكم ليه ؟
مالكوش دعوة .. المهم
مبروك تالت عليا

فاضل يومين و ناخد العيديات
يعني أخيراً ربنا هيفرجها و نغتني من بعد فقر و فاقة و حاجة و كل الحاجات دي
و أخيراً كده الواحد ممكن يرجع يحوش - مش يكوش
و ينزل يثبت عودته بنشاطاته ع الساحة
و مبروك رابع عليا
و عيد سعد ليكم و ليا


هكذا .. أواجه الدنيا و الحياة


و مسك الختام
ألف ألف ألف ميت مليون مبروك للي في بالنا كلنا الفترة دي
- أما كده و لسه -
- بجد نفسي أشوف من بعد الخبطة -
;)



ربنا يسعدهم و يهنيهم و يتمم لهم بكل خير
و مبروك عليهم و علينا
- مش برضه -
هالفرحة فرحتنا
و الفرحة جمعتنا . شوو حلوة دنيتنا
مبروك مبروك
مبروووووووووووووووووووووووووك
^ـ^
و طبعا مبروك دي ليهم الأول - برضه يعني - و بعدين للباقي

و كفاية لحد كدة دوشة
^ـ^
0

نصيبك ... وراك وراك

لا تقوللي مين و لا سين و جيم
الدنيا دوشة و لفة و زمامير
تروح شمال تروح يمين
قدرك يجيلك و لو كنت وزير
0

ليه ؟

ليه أنا و ليه مش أنا
و ليه هناك مش هنا
ليه في ناس في الفقر
و ناس عايمة في الغنا
0

تاني بقولك يا دنيا

و لا بنخاف منك دنيتنا
و لا نسمح تروح يوم ضحكتنا
و لا يمكن أنسى لحظات أيامي
هي كام دنيا راح هنعيشها ؟

بكلمك يا دنيا

تضحكي يا دنيا و للا متضحكيش
يهمني إيه من أمرك و للا مايهمنيش
لكن ليا فيكي ناس ساكنين في قلبي
و أنا من غيرهم .. ماقدرش أعيش
0

كان شايل ألوانه

فتح شبابيك عينيك
حلمك بقى بين إيديك
مش عيب انك تكون
إنسان بأن لون
العيب انك تكون
للغير مادد إيديك

كان شايل ألوانه
كان رايح مدرسته
و بيحلم بحصانه و بلعبه و طيارته

مهما نقع تقدر نقوم
نشق نتحدى الغيوم
نلاقي ليلنا ألف يوم
بس احنا نحلم

يوم تشابكت فيه المشاعر
و تداخلت فيه الكلمات
و عادت للعيون ذكريات
و تفتحت للعقل آفاق

يوم تجمعت فيه المتناقضات
قوة و ذهول
فرح و دمع
أمل و ألم
بين الحاضر و الماضي
ينتظر المستقبل

يوم
لا مثيل له
و ها نحن ننظر
و ننتظر
في يوم
تداخلت فيه المشاعر
0

هل هلالك

هل هلالك شهر الصوم
مصحف جامع خلال اليوم
يالا يا عبد لربك قوم
عملي عبادة لا كسل و لانوم
و ذكري لربي طوول اليوم
أصلي يا خويا ناوي الصوم
نفرح ندعي و نشكر رب الكون

و هل هلالك يا رمضان
هل هلالك شهر الصوم
و كل هلال و انتم بخير
0

هلال

هلال طل بعد غيابات
شق نوره الظلمات
أرسله برحمةٍ رب السماوات
فتح لنا به بابا للسباقات
ينادي من فوق سماوات
هل منكم من مشتاقٍ
هل من ساعٍ للجنان
هل من باكٍ دامعٍ
عابد غاشعٍ

أيا عبادي
أتاكم شهري
فيه أغل شياطينِ
لكم تُفتح جناني
عنكم تُغَّلق نيراني
عنكم أُبعد غذاباتي
عليكم تتنزل رحماتي
فهل من تائبين تائباتِ ؟

أيا قومي و أهلنا
قد نادانا ربنا
قد سعى إلينا
فهل دونه نغلق أبوابنا ؟
أم إليه نسارع بطاعاتنا ؟
انتظرنا لقيانا
في جامع و مساجدنا
في صيامنا و صلواتنا
بارك الله لكم و لنا
في عبادات و جموعنا
و منكم تقبل ربنا
صيامكم و عباداتٍ و منا
0

ناس

ناس بجد تخليك تسكت
تشيل في قلبك ألف كلمة و ألف معنى
ناس تخليك تملا قلبك
ألف روح و ألف بسمة

و ناس ياما تلف و ياما تدور
نفضل قلوبها عايشة في قبور
لا حست و لا عاشت
و لا عرفت في يوم سرور

قلوب تخطف قلبك
و تخليك تهدي حبك
لناس نفسك تحبك
و يعيشوا معاك في قلبك

كلمة و لمسة
نسمة و همسة
على الجبين قُبلة
و على الشفاه بسمة

ناس تديك احساس
انك فعلا واحد من الناس
تعيش و تشقى و تفرح و تسعد
لكنك برضه إنسان في الأساس

ناس تديك بجد دَفعة
مهياش جاية تقولك يا دُفعة
إصرار عزيمة أمل و انتصار
هي دي أصل الهمة

ياما حلمت و ياما بكيت
ياما سهرت و ياما حكيت
لكن لكل زمن مشواره
و انا دلوقتي المشوار .. ابتديت
و مظنش يوم في عمري
هاقول .. انتهيت
0

غداً ... تكون فلسطين حرة

غداً تكون فلسطين حرة
غداً تعلو الهامات الأبية
بعد أن صار العُرب أهون من مطية
غداً تسود الأرواح الندية
غداً تناديني أي فَتِية
قد ساد اليوم أسود قوية
زئيرها يبني القصور البهية
أرواحها تعلو فوق الذئاب الدنية
قد خفتم اليوم فغداً
غداً تخرج الأُسْدُ العفية
غداً أي بنيَّ
غداً تغدو فلسطين حرة
غداً ...
غداً ترى وعد رب البرية
فغداً ...
غداً تكون فلسطين حرة

نعم
غداً أرى وعد ربي حقّا
غداً أرى فلسطين حرة
غداً تكون فلسطين حرة
0

عنواني

لكل روحه
و لكل روح سماتها
و لكل سمة مخرجها
و لطالما فتشت عن مخارجي
لطالما نقبت في جوانب نفسي
عن ذلك المنفذ الضيق الذي ألمح منه لمعان ضوء مبهم
كان مبهماً
لكنني وجدته و تعرفته
إنه شيء يمسكه كل منا
منذ سني عمرنا الأولى
لكنني لم أكن حبه
لكني الآن أختلف
لقد عشقته
و سكنته روحي
بعد أنا نفذت إليه

لذا
فإن سألتني عن عنواني
فهو ذاك المنفذ

عنواني .. بسمة تسكن شفاهي
عنواني .. أمل يسكن جوانحي
عنواني .. حلم يرسم خطواتي
عنواني .. شيء تحتاجه نفسي
لتعرفه حلمي و يومي و أمسي
لحظاتي الآن و غدي
عنواني شيء أمسكه بيدي
لأسطر لروحي طرقاتي
لأحدد لحلمي خطواتي

عنواني ... قلمي
Back to Top